यो पाकिस्तानको खबर हो । पाकिस्तानको कराँची सहरमा एक ११ वर्षका बालकले भुतवाला माक्स लगाएर बाहिर निस्किएका थिए । भुतवाला माक्स लगाएको बालक पछाडिबाट आउँदा आत्तिएका सुरक्षागार्डले गोली चलाएका थिए ।

गोली लागेर गम्भीर घाइते भएका बालकलाई अस्पताल लगिएपनि उनको मृत्यु भएको छ ।

सुरक्षा अधिकारीले उक्त गार्डलाई गिरफ्ता गरेको छ ।

कराचीमा धेरैको संख्यामा सुरक्षागार्ड छन् । उनीहरुलाई कम पारिश्रमिक दिनुका साथै उचित तालिम पनि नदिने गरिएको स्थानीयले बताएका छन् ।

घटनापछि मृतक बालकका परिवार तथा स्थानीयबासीले कराँचीमा प्रदर्शन गरेका थिए ।