सेक्स गर्न नदिएको झोकमा अपार्टमेन्टको छैटौं तलाबाट भेनिशा हुत्याउने यि हुन फरार दिपेश लामा

Advertisement

काठमाडौं, २० चैत । सेक्स गर्न नदिएको झोकमा २० वर्षकी भेनिशा लिम्बुलाई अपार्टमेन्टको झ्यालबाट धकेली फरार भएका व्यक्तिको पहिचान भएको छ । गत ८ फागुणमा लाजिम्पाटस्थित अपार्टमेन्टको छैटौं तलाबाट भेनिशालाई धकाली भुईँमा खसाली दिने बौंद्धका दिपेश लामा भएको खुल्नमा आएको छ । भुईमा खसेर छटपटाएकी भेनिशालाई तत्काल अस्पताल नलगी दिपेशले आफ्नो टोयोटा कोरला एलएक्स गाडीमा राखेर ४ घण्टा घुमाएका थिए ।

छटपटाएकी भेनिशाले केही समयपछि कुनै प्रतिक्रिया नजनाएपछी मरीछ भन्दै शबलाई भक्तपुर नगरकोट नगरपालिका ११ मनपोखरी सडक नजिकै पुर्याई बाँसको झ्याङमा छोपछाप पारी लुकाई फरार भएका थिए । प्रहरीले एक महिनापछि हत्यामा संलग्न तीन अभियुक्तलाई पक्राउ गरी सार्बजनिक गरेपनि मुख्य अभियुक्त दिपेशलाई भने पक्राउ गर्न सकेको छैन ।

दिपेशको नाम सार्वजनिक नगरेपनि प्रहरीले भेनिशा हत्यामा प्रयोग भएको गाडी भने नियन्त्रमा लिई सकेको स्रोतले बताएको छ । धनकुटा स्थायी घर भएर हाल कपन सरस्वतीनगर बस्दै आएकी २० वर्षकी भेनिशा ८ फागुनमा बेपत्ता भई १४ फागुनमा उनको शब भक्तपुरको नगरकोट सडक खण्ड छेउको बाँसघारीमा फेला परेको थियो ।

यसरी भएकोे थियो हत्या

भेनिषा लिम्बु र राजन राई तीन महिनाअघि देखि समाजिक सञ्जाल फेसबुकमाबाट साथी बनेका थिए । ८ फागुनका दिन दिउँसो ३ बजे बौद्ध गेटमा राजन र भेनिषाको भेट भएको थियो । भेटहुँदा सनी लामा, सजित लामा र हाल फरार रहेको दिपेश लामापनि सँगै थिए ।

सबैको सल्लाह बमोजिम रमाईलोको लागी पहिलाको हार्ड रक, हाल फूलमुन रेस्टुरेन्ट गई चार÷पाँच वटा बियर खाए । भेनिशालाई रक्सी खुवाई लठ्ठ बनाई सामान्य अश्लील व्यवहार गरेको प्रहरी अनुसन्धानबाट खुल्न आएको छ ।

साँझ ६ बजे दिपेशको गाडीमा राजन राई र सजित लामा सन्नी र भेनिशा ठमेलबाट निस्केर बौद्द गेटमा पुगे । बौद्ध पुगेपछि राजन राई र सजित लामा गाडीबाट झरे भने भेनिशालाई सनी लामा र दिपेशको जिम्मा लगाएर छाडिदिए ।

त्यसपछि उक्त फरार व्यक्तिले सनी र भेनिशालाई आफ्नो अपार्टमेन्टमा लगे । अपार्टमेन्टको छैंटौ तलामा रहेको कोठामा सन्नी र भेनिषाले थप १ बोतल बियर खाए । सनी र भेनिषा एउटा कोठामा सुते । सन्नी र भेनिषा बीच सहमतीमा सेक्स समेत भएको कुरा प्रहरीले खुलासा गर्यो ।

पक्राउ परेका तिन अभियुक्त

केही छिनपछि दिपेशले सनी र भेनिषा सुतेको कोठामा गई बाहिरबाट ढोका खोल्न भने । सनीले ढोका खोले । त्यो मान्छेले भेनिशासित सेक्स गर्ने मनसायले सन्नी लामालाई कोठा बाहिर जान भने । सनी मानेनन् । यस क्रममा दुई जनाबीच सामान्य विवाद समेत भयो ।

उक्त व्यक्तिले जवर्जस्ती गर्न खोजेपछि भेनिशा ट्वाईलेटभित्र पसिन् । उसले भेनिशासँग ट्वाईलेटमानै जबर्जस्ती गर्न खोजे । भेनिशाले मानिनन्, त्यसपछि दिपेशले अपार्टमेन्टको छैटौं तलाबाट भेनिशालाई धकाली भुईँमा खसालीदिए । अपराध खबर डटकमबाट

Advertisement

Labels: