Advertisement 
|
चैत २६
काठमाडौं–बालविवाह एवम् दाइजो उन्मूलन राष्ट्रिय अभियानमा सामेल भएकी नायिका श्वेता खड्काले यस्ता खालका कुरितीको अन्त्यका लागि सञ्चार क्षेत्रको महत्वपूर्ण भूमिका रहेको उल्लेख गरेकी छिन् ।
यो राष्ट्रिय अभियानको सद्भावना दुतमा नियुक्त भएकी नायिका खड्काले पहिलो पटक राजधानीमा पत्रकार सम्मेलन गरी सबै खाल सञ्चारलाई यो सामाजिक कार्यमा महत्वपूर्ण भूमिका खेल्न भनेकी छिन् ।
देशभरि नै कुप्रथाको रुपमा रहेको बालविवाह र दाइजो प्रथाजस्ता सामाजिक कुप्रथालाई परिवर्तन गर्ने लक्ष्य बोकेर सन् २००५ अक्टोबर ११ जनकपुरबाट सुरु भएको बालविवाह एवम् दाइजो विरुद्धको अभियान हाल राष्ट्रिय रुपमा विस्तार भैसकेको छ ।
बालविवाह सम्बन्धि नयाँ अध्ययन प्रतिवेदन २०१५ (युनिसेफ र बालिका दुलही होइनले धेरै बालविवाह हुने ६ जिल्लामा गरेको अध्ययन) अनुसार बालविवाह हुने अत्याधिक दरको हिसाबले सप्तरी जिल्ला पहिलो नम्बरमा देखिएको छ ।
विभिन्न जिल्लामा देखिएका यस्ता खालका कुप्रथाको अन्त्यका लागि सञ्चारले खेल्ने भूमिकाका बारेमा छलफल गरेको अभियानका सञ्चार व्यवस्थापक सुदिप बरालले जानकारी दिए ।
कार्यक्रममा बालविवाह एवम् दाइजो प्रथाको अन्त्यका लागि राष्ट्रिय अभियानसँग कस्तो खालको सहकार्य गर्दै भूमिका खेल्न सक्छ भन्ने विषयमा छलफल गरिएको थियो ।-Ratopati
0 comments
प्रतिक्रिया दिनुहोस्...