कोलकातास्थित ईडन गार्डेन क्रिकेट मैदानमा १८ ओभरमा छोट्याइएको भिडन्तमा १३ बल बल बाँकी छँदै जित निकालेको भारतले यो मैदानमा आफूविरुद्धको पाकिस्तानको चार खेलको जितको श्रृंखला पनि टुंग्याएको छ ।

अर्कातिर टी–२० विश्व क्रिकेटको विश्वकपमा पाकिस्तानविरुद्ध भारतले लगातार पाँच खेलमा जित पनि निकालेको छ । वान डे र टी–२० सहित ११ खेलमा पाकिस्तानविरुद्ध निरन्तर जितको श्रृंखला पनि भारतले कायम राख्न सफल भयो ।

टस हारेपछि पहिले ब्याटिङको निम्तो पाएर पाकिस्तानले ५ विकेट गुमाउँदै दिएको ११९ रनको चुनौती भारतले १५.५ ओभरमै ४ विकेट गुमाउँदै भेट्टाएको हो ।

पाकिस्तालाई हराएपछि भारतले अघिल्लो चरण प्रवेशलाई जीवितै रोखेको छ । भारतलाई जित दिलाउने क्रममा नटआउट रहेका बिराट कोहलीले ३७ बलमा ५५ रन बनाए ।