चार लाख घुस लिने सब इन्जिनियरविरुद्ध मुद्दा दायर
Advertisement 
|
काठमाडौं – बिल भुक्तानी गर्नका लागि घुस लिने गौशाला नगरपालिकाका एक सब इन्जिनियरविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ । पक्राउ पर्नेमा सब इन्जिनियर शत्रुघन कुमार साह रहेका छन् । उनले महोत्तरी जिल्लाको गौशालाको वडा नम्बर ७ मा रहेको तरकारी बजारमा पिसिसी ढलान गरेको बिल बमोजिमको रकम भुक्तानीका लागि आवश्यक प्रक्रिया बढाउन शाहले सेवाग्राहीसँग ४ लाख ५० हजार घुस रकम लिएका थिए । उनलाई घुस लिइसकेपछि घुस रकमसहित पक्राउ गरिएको थियो । अनुसन्धानपछि भ्रष्टाचार निवारण ऐन ,२०५९ को दफा ३९१० द्वारा परिभाषित कसुर गरेको देखिन आएको आयोगले जनाएको छ । साहविरुद्ध ऐनको दफा ३(१) र ३(१) (घ) बमोजिम हदै सम्मको दण्द सजाय र ४ लाख ५० हजार बिगो मागदावी सहित सोमबार विशेष आदालत काठमाडौंमा आरोप पत्र दायर गरिएको छ । 
|
Advertisement
|
0 comments
प्रतिक्रिया दिनुहोस्...